Gen 26 | TVK | STEP | E melele sav tei mun, us tamus ti melengien holu e misak ni anien tovuol e ut xa Aesak del nan xil ladi en (mae kekaten ak misav ni ngan xa testal e melengien xil na avu Ebraham ). Misak ni, ba lapus suv toto na mol-Pilistia xil xa de taon tahal Kerar, hisen Abimelek, vengan xa lalongeong ni xa anien di e kantri nan.

Genesis 26

1 E melele sav tei mun, us tamus ti melengien holu e misak ni anien tovuol e ut xa Aesak del nan xil ladi en (mae kekaten ak misav ni ngan xa testal e melengien xil na avu Ebraham ^{▼▼26:1 Senesis 12:10-20}). Misak ni, ba lapus suv toto na mol-Pilistia xil xa de taon tahal Kerar, hisen Abimelek, vengan xa lalongeong ni xa anien di e kantri nan. 2 Iahova mei mistal mi Aesak e biteni mini bit, “Onaha ti e hal Isip. Uta kat tang e ut xa inou nipisen ni minuk. 3 Uta kat ute tan ak ihe vuteili mu ixoni ngan halesav tei tang, e inou, nite visaluk e nitokol xatuk. Ut xil vus ak, nisa ni minuk e mi vatimol xil xa listal lixo xouk. Hitxatien xa natepol ni ngamu tetel tamom Ebraham, nipol ni istal mei ihe reitin. 4 Nipol ni horamue nam xil xa listal e vatimol nam mei lihe holu xa lihe holu lixoni hitu xil te tilang hat. E ut xil vus ak, nisa ni mi xil. Xouk itel nam xil vus mei muhe suse te tuxolxatien navan iha mi vanut moletin xil vus te ut etan. 5 Nituxol xat xamim vengan xa tamom Ebraham telong xat nou e tehusil xat rae xil navan.” 6 Misak ni, Aesak da kat dat Kerar del nan xil.